我的將來會是如何。。。。
今年有兩個朋友結緍，明年又輪到貓小姐同一位姐妹。十一月有朋友註冊， 佢為左未婚夫重自己一個人去左美國重新開始生活。人地雙雙對對話唔羨慕就假。 不過自己知自己事， ：P. 自己重好似個大細路咁, 好多野都未定落哩. 點敢想到"談婚論嫁"?
最近有朋友驚自己以後都會單身. 其實結婚/單身都各有好處. 感情事可以好開心/好煩, 一旦處理得唔好, 咁就可能係成世. 而自己擁有一個人, 會怕突然失去佢. 單身就咩都唔駛掛住....雖然係咁諗, 不過我都諗, 幾時先比我遇到一個我又鐘意佢, 佢又鐘意我既人. 我實在唔想再 "神女有心, 襄王無夢"啦.
posted by JanicetheCat at 2:17 PM
7 Comments:
嘩!!!你的言論好大膽呀!!!
都唔係好咩姐， 又唔係鼓吹人地濫交， one night stand. 不過我都預左有Ｄ人（唔係話你）會有負面既反應。 講咩新時代丫？！根本Ｄ人重覺得女仔應該好被動，將感情事收埋，唔好做到比人知道。教會就重保守ＴＩＭ。 一唔小心會被人地以為你只顧住識男仔。
唉。無可奈何，都係小心Ｄ好。
咪係咯！！！教會往往將d有跡象想追姊妹既弟兄「落入黑名單」，甚至「拉去黑房用大光燈照著哩審」。大佬！基督徒都係活人，都有感情、心理及生理上既需要。聖經都有講，「信與不信不能同負一軛」，人地都不過係合眼緣、情投意合既同時，又謹遵聖經教導唶！！教會憑乜用保守之劍去封殺人地既感情事？！難道要人地係教會無從入手時，走去搵非基督徒做戀愛對象咩？！！
混吉的教會！！！
係香港，我就聽過某傳道人講道時話過，係佢服事既教會，唔介意人地打正「結識異性」既旗幟去加入，而且係確知某對信徒情投意合時，個傳道人更會主動做「媒人」撮合佢地。
加拿大既「老佛爺」華人教會！好心你地擘大眼睇清楚現實同人類基本需要，向香港既教會學野啦！！！
(長谷川明)
嘩然!!!!!!!!!!
我只係講o左一句就令妳這位長谷川明朋友如此...
其實我之前也只是跟Janice(my honey)開玩笑,而且那只是小妹個人意見,與多倫多教會無任何關係...都係我不好...請大家多多息怒!!!
佢係咁架. 你唔好介意. 唔一定香港既教會就開明而加拿大既就保守.
總之一句: 如果係遵守神心意就問心無愧. 規矩係死人係生既.
「 如果係遵守神心意就問心無愧. 規矩係死人係生既」
但係，群體中默守成規既規矩，往往對有真正切身需要既人，造成精神及心靈上既不便，甚至創傷。
身處民主自由社會既我地，好應該消滅教會呢d誤人生命與感情既規矩，甚至進一步反抗到底，要教會向民主自由屈服，完全容許自由戀愛為止。
記住，基督教信仰唔係大哂。
(長谷川明)
christy_the_angel，我既意見發表完全同你既無關，就算你地唔講，我都會講我之前講過個d。我一早就睇教會個d死人規限唔順眼。
(明)
Post a Comment
<< Home