五月十二日

搞左咁耐, 總於有機會同小詩妹, 楊掌門同埋貓小姐一齊聚下, 連VIVIAN都哩埋. 因為大家第二
日都要早起, 加上環境噪吵, 所以都唔係傾左好多野, 我感覺係意猶未盡咯 :（　無法啦大家忙丫。

有人話我係佢識既當中係最害羞果個，　本來我真係嬲。　但今日返到哩團體，由開始到結束，成個人真係好拘謹，　覺得好無安全感。　所以又真係唔怪得人地咁樣講。。。我好唔慣同一大班唔熟既人一齊。尤其是我呢份人特別troublesome，　要慢慢哩。　一次過要我投入咁多野我會乾涸架。

不過老實講就算我真係表現到山草藥既一面又唔一定係好事。　我就係因為係另一班人面前成日亂ＵＰ二十四（或者係直腸直肚），　搞到得罪左Ｄ”有勢力人士”都唔知。所以真係唔講野唔得講野又唔得。