七月三十一日

今晚放工後同朋友去游水.游完之後打算去食雪榚. 上星期一我地兩個企係街到一邊享受涼風, 一路食雪糕. 咁舒服既天氣係多倫多真係唔多. 點知去左三個MALL, 賣雪榚既地方都收哂! 估計上次可能因為收舖前多人幫襯, 所以雪榚店先延長開門時間. 油價高企令我唔想再開車去其他地方. 朋友話"漢堡王" 有雪榚賣, 點知......最有唯有改為買飲野.

返到屋企, 成屋都係人(爸媽哩住一個月). 慣左有私人空間既我好想自己一個係客廳打電腦然後訓覺. 點知爸話佢晏奏訓左覺, 依家訓唔著. 叫我同媽一齊訓! >_< . 由上星期開始, 我已經變左遊牧民族. 爸媽係廳我就係房, 佢地訓覺我先出返廳. 佢地起得早, 然後就叫我返房訓. 其實只有呢個月係咁,不過我已經有D頂唔順, 我係咪好衰呢? 都做唔到好見證比佢地睇(缺乏愛心忍耐).