近況

返左新工就快一個月, 宜家已經適應左好多. 呢度最大既分別係華人住客有八九成, 但係華人職員就唔多. 變左好多時都出現雞同鴨講既情況. 所以成日要做翻譯. 講英文既機會多左好多. 希望會有進步啦. 另一個分別係呢度地方比較細, 特別係我負責果層, 好多住客坐哂係房出面. 出入有時都幾艱難.

雖然果份工做慣做熟, 但呢份工好在可以自己編排活動之餘又無人會管你. 壓迫感少好多. 希望係呢度會係一個好開始啦.