外在美

想學下化妝, 咁啱朋友既朋友係賣化妝品既, 可以免費教我地化妝. 三四個人係朋友屋企上堂, 你望下我我望下你, 幾好玩. 上左兩次堂之後應該可以同自己化. 女人都係愛靚, 上堂之前話"只玩不買", 當不同既顔色畫上面之後又覺得唔錯. 加上大家都下決心去化妝, 於是個個都心郁郁想幫襯. 我都決定左想買既野. 經過一輪心理攻勢之後" 買埋呢樣效果會好d喎", "出面未必買到啱你既", "買唔同既色可以有多d配搭". 好彩自己逐漸回魂, 只係買番原本想買既野. 化妝品種類繁多, 又修補呢樣果樣, 搽呢樣又點好. 邊有可能買得哂? 只要求最簡單自然既妝容, 令自己睇哩精神d靚d就可以.