比較港美韓肥妹仔

港版：肥田囍事

前個星期係朋友屋企食飯，無野做睇左幾集。我一向都無興趣睇呢個劇，其中一個原因係唔鐘意男主角人選，肥左既胡杏兒幾可愛。一睇，噢我的天。痴心的家明點都好過本身已經有女朋友既大四喜啦。實在無興趣睇佢地點樣走番埋一齊。

韓版：我係金三順
主題係講女性要自強自愛做番自己。但係金三順實在太惡（呢Ｄ叫自強？）。心情唔好既時候唔好睇。　因為集集唔係大吵大鬧就係女主角係度喊。男主角好似許志安（肥田囍事男主角）

荷理活版：Bridget Jones' diary
最順眼係呢個版本，因為電影得兩個鐘唔會拖泥帶水。男主角最靚仔。一個外表平凡，傻更更，愛情工作唔如意又煙不離手既女子被靚仔律師暗戀。好多人唔多唔少都發個呢Ｄ白日夢。佩服女主角既氣度，　至少被嘲笑既時候會識得自嘲。

－－－－－－－－－－－－－－－－－－－－－－－－－－－－
好多時電影劇集都話有MESSAGE帶出。係劇中講話要做番自己。戲外明星拍完戲之後都急急腳瘦身。胡杏兒重有修身公司等佢拍完做代言人。咁所謂既MESSAGE究竟係。。。