脫離

唔記得由幾時開始, 聽道既時候總係會魂遊太虛, 唱詩似念口黃, 缺乏感情交流. 團契生活更加唔駛講. 總括哩講只有四個字可以形容:一池死水. 不斷既掙扎唔放棄, 最終都係決定離開. 其實自己都預左會有作出呢個決定既一日. 依家既我更嚮往自由自在. 至少我唔駛為反對而反對,死堅持爛堅持某D我唔係完全同意既信念(例如投票要"自動自覺"選反對同性戀既議員呢一點, 我不以為然. what if佢其他政綱你唔同意? 假如佢歧視女性同有色人種呢? 你重想選佢?)

我依然尊重呢個宗教. 我都有想求告佢既時候. 可能我欠缺智慧同動力. 連一個企係你面前既人都摸索唔到既時候, 試問又點去connect with 一個無色無相既形體呢?

放棄信仰並唔表放棄自己. 係我吃喝玩樂既人生中會有目標, 理想同使命. 不過同信仰無關.

係朋友既, 就無謂勸我.