你/妳會選擇...

今日聽本地電台講話香港YAHOO做左個調查. 問女人一生中最想擁有D咩?

1. 23 吋腰
2. 同天皇巨星食餐飯
3.高智商
4.被老細賞識

香港流行瘦身, 當然選1 啦.

打入哩既聽眾選1 同 4比較多, 都有兩個人選 2 . 男士都傾向覺得女人應該選 1 . 選1 既認為有外表自然會容易搵到長期飯票啦 (really??). 都有人認為只得23吋腰太唔健康, 不如選4最實際.

我既選擇呢? 係 4. 點解? 因為我從來無細腰而且相信將來都唔會有. 而且對我生活唔會有咩影響, 又唔會令我開心D. 我個人無特別鐘意邊個明星, 食餐飯對我呢講無意義. 高智商幾吸引, 但係以我所知天才都活得唔係咁開心. 4 最好, 因為可能會有唔少好野例如升職加人工等等.