再次搵工

停左好幾個月, 最近終於下決心再次搵工. 一個星期起碼SEND 五份出去. 有兩個回覆. 一份係PT, 但覆電話時先知道時間就唔到依家份工所以無去見. 另一個係人事公司, 所以唔算面試啦. 以前都有去過人事公司, 不過無咩效果. 不過都試下啦. 過程分為兩部份, 首先係電腦前面做測驗. 有四個測驗, 頭一個係測試general office skills 例如計數, filing. 至後果三個真係越做越驚.何解? 因為係TEST Microsoft丫. 我平常用得最多既係WORD, 但限於Intermediate level. Excel and Powerpoint 就更加好少會用到啦. 加上面試時又緊張, 所以我覺得整體表現唔係好. 會介紹份工比我既機會就真係天知道啦.