自己衰在懶, 所以聖誕前要趕工. 趕時趕, 有d野應承左都要做.......

1. 小組活動(義工)

個幾月前已經同D CLIENT 約好左話今日去飲茶. 活動前一日義工會打電話提佢地. 打電話果陣好多人都唔係屋企, 而且有D義工都臨時唔去得. 本來以為今日只有小貓三四隻, 點知去到果陣大部份人已經到左, 有D重早左成個鐘頭TIM! 睇呢佢地真係好重視個小組, 唔會因為隔左咁耐而淡忘左個約會. 佢地都好熱情 (雖然可能掉轉頭已經唔記得我個名). 而且好多個都有返教會/聖堂, 有一個重話因為信仰/教友支持, 已經唔需要食安眠藥訓覺.

我覺得自己越來越投入/鐘意呢個PROGRAM, 當初加入果陣一個人都唔識. 而大部份義工都識左幾年. 起初重人地重問我係咪屬於個PROGRAM. 可能我每次開會都出席, 加上上次中秋節幫手搞燈謎, 所以開始被人recognize我係當中既一份子.

2.飲完茶就幫手做市選前最後衝刺. 我上次係"洗屋", 今次係"洗樓". 競選期間有人不斷散播謠言攻擊我親戚, D sign 重被人破壞. 雖然無證據顯示係邊個, 但我地都心裡有數. 假如某D人當選後會唔會為市民做到野就真係天知道啦.