被騙

個幾兩個月無去做ＦＡＣＩＡＬ，　總於約時間今日去。　　０下？我個
ＢＯＯＫＩＮＧ被人取消左，　我都無打電話取消過。咩話？　換左老闆？　但上手果個做左年幾咋喎。新老闆跟住話比我聽上一手點衰，　又呃左佢成幾千蚊。我個記錄就搵唔番。跟住佢比左張顧客名單我睇，終於搵到我個名。　佢話交手果陣上一手同佢講話有關我既錢銀問題已經私底下解決左　。但實質上我咩都唔知，咁即係話我預先比既一百蚊已經被人吞左。　無單無據，我Ｄ錢都唔知可以係邊到要番。雖然唔係好多錢我預左未必有得要番。　但唔開心既係個信任已經無左，　加上又嬲自己唔夠精明唔點樣可以據理力爭。聽老闆咁講，　以前果個真係”好眉好貌生沙蚤”。佢由第一手老闆買左鋪之後重新裝修，　服務又算做到足。　點都估唔到可能係另有目的。新老闆話有人重會返哩騷擾佢。但疑點係人地呃左錢都遠走高飛，　點會重返哩搞事？好似佢話我個ＢＯＯＫＩＮＧ　可能係有人趁佢係鋪頭忙既時候做既”好事”，　目的係比trouble 佢　（係？）。但調轉哩講，又有可能係某人知道我唔係現任顧客，為免我到時搵佢晦氣，所以特登擦左我個名然後再作故仔。總知真係一頭霧水。

老闆知道我當日係簽卡，重鼓勵我搵番張單等佢有證據去追究。好彩我識得有人又係幫襯開。　起碼大家可以商量下點解決都好。