舊與新

經過兩個月既考慮, 最後都係決定向舊公司請辭, 告別四年既關係. 有時間既話都想返去做0下義工去探老人家, 可能無左員工身份, 同老人家相處會比較輕鬆.

新公司又點? 兩份工由返工時間到工作性質都好唔同. 一個月內已經可以安定落哩對我呢講已經算係'奇蹟'. 可以話我嫌三嫌四, 但有D野唔真係係好唔鐘意: 1.七個鐘頭對住電腦,對於一個大近視又有眼疾既人呢講絕對係一個問題. 有時望住電腦對眼已經失去焦點, 但仍然要做proof-reading. 因為一出錯, 要更正事少, 最驚係無人發現錯處而令到成個ORDER出錯. 我都好佩服我同事, 當全世界都去煩你而枱面上既電話又響過不停,同時你入緊單. 究竟你應該做邊樣先? 當你應付完阿甲既時候好容易你轉頭又唔記得左自己做緊咩. 雖然話有D野係可以訓練出哩. 不過我諗起如果自己如果要獨當一面既時候, 唔知會搞成點......