長週末返工,感覺好輕鬆

星期日: BBQ, 同事叫埋屋企人哩, 起碼成十幾人. 果日天氣唔好, 朝早果陣已經諗點算好..好彩都燒左一個鐘先下大雨, 雖然有沙律同CAKE, 不過各人都未食飽. 食完野大家開始講東講西。各人都好熱烈咁加入討論. 不過因為主人家第二日要早起, 所以到十點幾就要散水...

星期一: 好耐無係public holiday (星期日除外)果日返工, 而且當人地重係睡夢中而自己就要掙扎起身既滋味唔好受. 不過當你見到路面暢通無阻, 平日人來人往既公司變得水靜河飛既時候, 好正! 真係打橫行又得，訓係到又得。可能大家都心情開朗，　於是返工後又一齊食晚飯。各人都傾左唔少野，　對對方加深左認識。大家都想以後多Ｄ聚會。人地羨慕我同同事咁ＦＲＩＥＮＤ，　但係有兩個問題　１。始終係同事，　會有conflict of interest，隨時會變得面阻阻（面和心不和）　２。離開份工後未必會保持聯絡。