著裙

有一次同同事傾計, 佢同我講"好似未見過你著裙喎?" (其實我既工作性質唔適合著裙). 講下講下, 佢提議不如D女士齊齊係X'mas party著裙.因為平日返工唔著得好斯文, 大節既時候應該扮下靚. 諗番起細個果陣好唔鐘意著裙, 曾經話過"除左校裙,圍裙同睡裙之外, 咩裙都唔著". 有一次婆婆買左條連身裙比我, 媽要我著出街. 雖然我果陣完全唔識咩叫扮靚, 但我覺得條裙好難睇 (其實我婆婆鐘意打扮, 唔知點解失手), 著出街實比人笑到面黃. 我堅持唔肯就範, 媽一怒之下就將條裙扔去垃圾房!

一直到高中先我先唔再抗拒, 但仍然都係忠於牛仔褲多D. 我有位好姐妹成日著裙返祟拜. 有次我同佢去另一間教會"參觀". 佢著裙我著牛仔褲. 果度我地一個人都唔識, 但一路上D人都只會同佢打招呼. 先敬羅衣後敬人? 又或者佢個LOOK 代表似係會認真返教會既人.......