十二月二十三日

本來講好左成班女士要著裙出席, 點知最後只得我一個人著裙 : ( 有無搞搞錯! 等我前果晚不停試衫襯裙, 到了幾乎想放棄著裙既地步. 因為著褲既話就易襯衫好多. 晚餐幾好, 有部份係東南亞食品, 平時未必會叫哩食, 都算特別. 食完野重有自製甜品, 不過因為跟住重有幾餐, 所以都係唔好食咁多. 到左交換禮物時候, 玩法係每人先抽一個number, 拎到禮物之後再抽一張紙, 上面寫住換/不換. 抽到"換"字既人可以要求交換對方手上既禮物. 但因為大部份人都鐘意自己抽到既禮物所以無人再提出要求.

(失敗, 無影過相TIM)

歡樂過後仍然要同死線掙扎, 掙扎完後又要同另外幾條死線死過...總之就係無休止. 聖誕又離我更遠一D啦. 講起聖誕, 近來我睇左一D唔贊成慶祝聖誕既文章, 主要既論點係1. 聖誕原本係異教既節日 2.耶穌唔係十二月二十五日出世. 令我覺得confusing既係, 咁點解好多教會都唔反對, 重將聖誕節視為傳福音既機會? 有機會我都想請教請教.

文章參考:
基督徒應否慶祝聖誕節？