十二月三十日

兩點, 三點, 轉眼到四點, 跟住一個一個鐘頭好快又過左, 又到左食晚飯既時候. 然後好快又到左半夜...終於交左功課. 我既英文只適合打MSN 用, 打功課就..唉....唯有安慰自己已經算係盡左力. 送醫貓果陣見到小帆既"新年禮物". 以為係咭 , 點知原來係我既"celebrity look-alike". 我一向都唔鐘意上鏡個樣(雖然真人都必好幾多), 費時獻醜啦. 出哩個結果我只認得兩個明星, 佢地係深田"公"子同奇洛理維斯(0下?), 我同佢地有六成相似. 我覺得深田幾可愛架, 所以都有D開心.

以往31號都無倒數活動. 只有一次, 幾年前係香港, 我同弟兄姐妹係時代廣場.....附近既街. 人太多無辦法行到去時代廣場. 搞笑既係我地係到等. 跟住聽到前面既人喝倒彩. 原來時代廣場果邊既人已經倒數完. 可能我地企得遠聽唔到. 於是D人自己再倒數番一次. 講起香港, 有人問我今年返唔返. 同爸媽有時傾開又話等我下次返哩同我去邊度邊度. 想丫, 但係搵工遙遙無期, 收入同支出又成反比. 如果我以後都唔楂車既話應該有錢返既.

咁我今次點過31號晚? 約同事唱K 倒數咯.