近況

上星期五係復活節崇拜, 為左感受耶穌既愛. 我地睇左"Passion of the Christ" 耶穌受難片段...... 感受可想言知..加上之後連續兩日上FIRST AID, 要睇"逼真"既受傷影帶, 再加上導師講解時引用既真實個案. 只可以用三個字呢形容---頂唔順! >_<. 好彩之後果日放假, 真係成個月都未試過放成日假啦. 真係好唔想返工. 覺得返工只係為左搵錢. 咩理想咩使命通通都唔記得哂. 係新公司返左一個月叫做習慣左好多. 但都有令我好唔開心既時候. 一來環境細: 我試過推一個坐輪椅既伯伯去食飯, 佢張輪椅唔算細, 要去到佢個位, 我要"過五關" 先至過到! 二來同事可能唔同文化背景, 有D都幾唔友善 (WELL..我都知就算係四萬咁口都未必一定係對你好). 唔知係咪公司各部門之間成日有唔協調既問題定係朝早比較繁忙容易心情煩燥. 返慣下午既我覺得日頭D人好容易發火....成日唯有叫自己唔好將注意力放係D唔應該放既事/人身上, 咁或者會好過少少.