你的日本名字是....

輸入我的中文名="黑田 久美子"
輸入我的英文名= "黑田 美晴"

我比較喜歡第二個名字 : P

http://rumandmonkey.com/widgets/toys/namegen/969

Farewell dinner

昨晚阿５，６同我請阿８食飯歡送佢離開。四朵金花聚埋一齊緊係多野講啦（其實阿５同阿６最多口水）。最好笑既係我地叫８出年再返呢參加導師同貓小姐既婚禮之餘又參加埋５，６既畢業禮。８就講笑咁叫大家第日結婚最好差唔多時候，唔好隔咁遠。　如是大家就天馬行空咁想像同一日行禮既情況。搞笑既５就話到時人多不如係大多市會議展覽中心一齊搞。一人一層。到敬酒既時候可以搭電梯去對方既會堂到敬酒。

阿８，第時你結婚一定要請我呀，　就算人唔到禮會到！大家咁話。我一定會等你架。

繼續搵工跳槽....

相識了幾個月的同事辭職了, 由於她的職位也是兼職, 自己曾考慮假如請人的話會應徵. 可是坐她的位要受相當大的壓力, 加上人工又跟工作要求成反比! 還是算了.

人家已另謀高就, 那我呢? 上星期去了Job Fair，交了好幾份ＲＥＳＵＭＥ， 還是一點消息也沒有。同事說她申請過百份工才能十幾次的面試，　看來我還得繼續努力。她又介紹了一些請call centre representative 的公司。假如我真是”走頭無路”的話會去試。她也同意應親身上去人事公司有效。

想來想去，我都不知道自己應該做社會服務工作或是文職。　但以我目前的情況相信找工作會有一點難道。可能是人大了，想法更以前不同。　雖然文職工作會較為沉悶一點（當然有人會不同意我的觀點），　但假如我能找到一份入息穏定的也不介意。到時候正職會是做辦公室，　而閒餘的時間便去做義工，雖然不是職業但也算滿足了我喜歡做社會服務的願望。

最近有點激氣是被人說我的工作要對著老人家是”愚愚鈍鈍”，　又說她每次到老人院想要立即離開。我不客氣地告訴她我從沒有這種感覺，　我也不覺得這份工容易做。不過跟一些眼中只有＄＄的人解釋，是對牛彈琴，　不如省點氣力吧。

懷舊金曲夜

今晚去城北聽CHANNELS樂隊唱歌同埋見證分享. 我以為係排排坐咁樣聽現代聖詩. 點知原來佢地分成十幾二十張枱比人坐之餘, 重有小食飲品供應. 哩既大部份都係阿媽/阿爸級, 不過我都唔算好後生啦, 佢地唱既懷舊金曲有好多都聽過: 憑著愛, 今宵多珍重, 親情., 加上LIVE BAND, 氣氛幾好. 其實講起上呢以前既歌能夠舒發到感情, 反而依家既歌雖然係自己年代, 但唱既時候"一輪嘴"咁就唱完. 到最後佢地分享見證時見到我同事眼濕濕, 之後重答應左參加城北既團契, 都係一件好事.

我聽講歌果陣到諗, 加利利都有"好歌之人", 如果大家可以約埋一齊以歌會友之餘又比到某人有"偷師"既機會, 你話幾好呢. 唔一定唱"現代歌", 七, 八十年代都得架.

能付出, 也是一種福氣....

意識到自已已"得到"很多, 其實可以有能力付出都是一種祝福, 自己可以想想看身邊還有沒有需要關心的人, 不要等事情到了不能回頭的時候才後悔. 求賜我能力關心其他人!

但願人長久

但願人長久 詞:蘇轼
明月幾時有把酒問青天不知天上宮闕今夕是何年我欲乘風歸去唯恐瓊樓玉宇高處不勝寒起舞弄清影何似在人間轉朱閣低綺戶照無眠不應有恨何事長向別時圓（月時圓）人有悲歡離合月有陰晴圓缺此事古難全但願人長久千里共嬋娟

中秋節的時候借這首詩紀念一位剛去世的小姊妹. 雖然我和她並不相熟, 她的事都是從別人口中得知. 但每當想起她短暫的一生及她的經歷. 總是忍不住 (-_-, )....但願神抹乾她的眼淚, 讓她能忘記過去, 永遠開心地生活下去.

欣宜

尋日睇網上新聞睇到百幾宗投訴欣宜係迪士尼開幕禮做白雪公主. 跟住睇FORUM, 好多人對欣宜可以演白雪公主相當不滿, 重之就係人身攻擊. 有人話佢樣唔掂, 有人話佢係單親家庭長大, 同迪士尼形象不符, 無資格演出. 今日我睇番欣宜扮白雪公主D相, 又唔係真係咁差, 而且都幾瘦. 至於家庭背景, 無人可以選擇自己出生係咩家庭, 咁樣歧視人唔合理. 最令我覺得可怕既並唔係欣宜既扮相, 而係D人既質素同口德. 你話人地形象唔好又嘔心. 呢個世界上表面好眉好貎好似好好人但暗地裡所作所為令人反感既大有人在, 佢可能欺騙哂全世界人(包話你和我)都唔知.

我的外婆

多數人都會寫自己的父母, 比較少人會寫自己的婆婆. 最近一篇功課令我想起從母親聽到的外婆的一些趣事(至少對我來說):

1. 由於婆婆可能年輕時是農夫, 見慣蟲蟻. 所以對於女人天敵的反應是----用手捉起, 然後將之處置! 買"殺牠死"的錢都可省回.(現在不會再這樣做)

2. 年輕時有一次回家時發覺門匙遺留在家裡, 如是叫樓下的人開門讓她從他們的露台爬上去自己的家(好像是住在七樓)

3. 年紀大後還很愛漂亮, 特別喜好穿兩吋的高跟鞋. 子女們擔心她的安全一致反對, 於是"一氣之下" 自行拿鋸鋸斷鞋跟後再穿上去. (可愛嗎?)