七月二十八日

呢幾年參加過既婚禮唔算多. 但已經無左個 "鄧"人高興既心態(好朋友/同事除外). 不過人都係有偏私既. 今日結婚既一樣新人, 識左一年, 同新娘食過幾次飯, 唔算係好熟. 不過世界真係好細, 新娘係我一個好朋友同埋一個舊同事既死黨. 而我都係透過高中時代既朋友, 阿寶, 認識佢地. 阿寶結婚已經係兩年前既事, 依家佢個女已經識行. 遲0下重會識得叫人啦 (不過我唔想佢叫我做阿姨, 我好唔習慣丫.又唔係有血緣關係>_<)

人地開始新既階段, 咁我呢? 最近我係度"探路", 睇0下有無機會入到主流公司.我絕唔介意由低做起. 我已經作好準備隨時開始六/七日工既生涯!

一件小事

公司既雪榚日, 上至高層下至小職員都有份. 見到"一哥"既辦公室門打開, 心諗他應該很忙, 不過我都問0下佢食唔食. "一哥"好有有禮貎咁同我講佢忙緊唔食啦. 跟住後來"一哥"同我老細講番話先前我搵佢既時候佢有野忙緊, 重叫老細同我講聲唔好意思. 其實只係件小事, 但真係無諗過佢會記得. 我地D小職員都對"一哥"既印象唔錯, 起碼佢唔會擺起架子, 下屬都會覺得比較舒服. 我覺得做領導者應該有咁樣既風範.

我為什麼會這麼容易累?

身體比以前好了, 吃涼的東西(如西瓜) 身體也沒有什麼不好的反應. 體力有改善. 可是相比起生病之前更加容易累. 睡得太少? 起碼有七小時睡眠啊. 運動量不夠? 但身邊的朋友不是個個都定期做運動, 也不見到她們像我一樣連行街都覺得累. 中醫叫我驗身, 看看是不是甲狀腺出了毛病. 但假如不是甲狀腺, 那到底是什麼問題丫?

一點感歎

香港某雜誌一年一度既優質服務獎. 某間得獎公司認為管理層最重要既任務唔係管人, 而係為員工提供一個優越既工作環境. 佢地一年有兩次員工同管理層之間既會議, 等員工可以對公司/管理層提出批評及意見. 小人之心既我係度諗會唔會有"秋後算帳", 不過做得到既話又真係好理想咯.

諗番起自己既公司, 優越既工作環境就講唔上啦. 一直以哩我覺得小職員同最高層之間有個斷層. 有咩野都係靠中高層傳逹. 變左有時有d人"假傳聖旨", "矯枉過正"都唔知, 就算知都要扮唔知. 難怪之前搞既獎勵計劃唔受歡迎. "民心"未搞得掂, 幾多獎勵都無用. 好似泊車新例, 搞到我無端端比第二個部門既同事駡到狗血淋頭話我架車阻住哂!!!!大佬, 你返工我都要返工, 你估我好想將架車打橫泊0架? 有無作用都好, 我都忍唔住要向上頭返映, 因為我己經唔係第一個被淋狗血既人啦.

秋天不要來

有朋友唔鐘意週末, 因為怕係屋企無所事事. 而我就怕秋天既來臨, 因為要再等一段長日子先再可以享受溫暖既陽光.

秋天同冬天, 總係比人一種憂愁寂莫既感覺........

I'm not a plastic bag 袋

某品牌出環保袋, 價錢好平, 不過限量發售, 所以係香港同歐美一出己經賣哂. 環保袋係好...但有人為左趕潮流買個袋同人爭執受傷......又係d商人賺錢製造話題既玩意...出面大把環保袋個様重好過佢. 睇完有關報導之後, 我會勸媽唔好去買.

無題