美女在身邊

今晚同Joanne, Cary and Jennifer 食飯, 順便同Cary補祝生日.Cary個新LOOK好似訓醒覺未梳頭咁嘻嘻 : P. 自從做左空姐之後Cary好忙, 好彩都約到佢呢輪唔駛出埠住. Joanne依家係某間製衣公司做文員, 而Jennifer就係某朱古力公司做同marketing 有關既野.

唔知係咪因為有美女圍繞自己所以眼都唔眨多幾下,平時影相成日眨眼既我今次都有改善. 我會將D靚相放上friendster架啦. 唉..今次一別, 唔知幾時再有機會見番佢地呢?

究竟我呢排做過D咩?

一連幾篇都係呻病, 真係呻到樹葉落哂, 人又走埋. 咁究竟我係香港做過D咩呢? 緊係唔會日日坐係屋企休養咁笨啦.上次又係返哩三個星期, 不過今次覺得日子過得特別快(唔想咁快返加拿大).唔係去左好多地方咋. 過對面海都只係過左一次. 而且有D要見既人都未約. 正經事又未辦妥(去圖書館搵中文資料). 不過有一樣好重要既事已經辦好- 換智能身份證. 之前可以係網上預約時間(可能只限本地, 我試過係多倫多搞唔到)約會快D唔駛等咁耐. 果然成個過程只需半個鐘. 係影相同對SCAN指摸果度用多D時間. 搞完大概十幾日後就可以去領取.

都唔知信邊個好.....

西醫VS中醫 (^_^ ;)

中醫
-唔係喎, 我聽你把聲咁清楚, 個樣又咁精神.把脈又驗唔到有咩野.你唔似有感冒喎.
-應該係氣管炎..
-有三樣野要注意: 1. 戒生果 2. 戒老火湯 /豬骨煲既湯 .......

西醫
-你係感冒未清, 加上香港空氣唔好. 我諗你返加拿大就會好番架啦
- <我有D咩可以食得丫? 我依家咩都唔敢食丫?> : (
- "咁你想食D咩丫?" : )
-<飲茶呢?> "無問題架, 最緊要唔好食煎炸野..."
-<生果呢?> "唔好食酸既生果.APPLE可以食"
-<個中醫話生果都唔食得> "中醫緊係話咩都唔得架啦, 我就好唔同意佢地既睇法...."
然後又PRESCRIBE左四日藥比我. 咁又去左我二百幾蚊啦. 今回真係損失慘重~>_<~

同人地傾番, 原來佢地自己/識既人返香港初期都病. 所以奉勸將要返香港既人真係要小心身子, 多D休息, 唔好掛住週圍去.

咳咳咳....

以為已經好得七七八八, 點知尋日去街既時候氣管開始唔掂, 無論係室內有冷氣既商場, 或係室外, 我都不停地咳咳咳. 唯有搵治標又治本既中醫. 出街時媽叫我戴口罩, 佢話至從沙士之後香港人習慣有病時要戴口罩. 出到街果然無咩人理/避開我.

個中醫係港島區, 都幾有名, 好多名人都搵佢. 一日只睇一百個症. 兩點幾去到果時個額已經去到四點. 我以為醫師年紀好大,頭髮白哂既老人家. 但佢睇哩幾"後生", 唔過六十. 一路把脈一路將我既資料輸入電腦. 佢話我無感冒, 係氣管炎. 希望三劑藥可以搞掂佢.

後話: 昨晚煲藥, 我地屋企用電子藥煲, 點知按左慢火, 搞到煲左成三個鐘頭先搞掂>_< . 上次飲中藥已經起碼二十年前既事. 聽講話睇中醫都要睇下夾唔夾, 唔夾既話就名醫都未必醫得好(0下? MUG有得咁既野架咩? :Ｏ）今日都唔係有好大改善，重有兩劑藥咋，　咁我即係會唔會好快好得番丫？我唔想又再花錢睇醫生啦．我唔想再戒口丫　＞＿＜

主日講道聯想

今日返播道會崇拜， 係客席牧師講道. 佢講左一句 "愛係唔可以勉強". 我希望同時在場既某人能夠明白. 有D野真係真係要雙方自願先得. 被人拒絕既難受感好多人都經歷過 (包括我). 但最緊要肯接受現實然後企番起身. 我真係好希望某人可以愛佢自己多一D, 唔好再去胡思亂想. 自己唔開心, 身邊關心你既人都唔會好受. 呢個世界上唔係只得愛情, 就算有都唔代表一定會開心/所有煩惱都無哂. 放低過執著,去擴闊下自己既空間同視野啦, 好嗎?

我的悠長假期

我雖然重未好番, 但精神都OKAY, 重有精力去行街食飯. 依家冬季SALE已經去到尾, 好多STORES都出左春裝, 所以暫時只係買左兩件衫. 不過都唔會好似幾年前咁要行哂各大小商場既"壯志"(哈哈) .

放心喎阿六, 我雖然心係香港, 但都唔會忘記我D女朋友既 :Ｄ。　下星期我會見到Cary，Joanne　
and Jennifer，　重會同ＣＡＲＹ補祝生日。

平安到埗

今次係第一次坐直航返香港. 坐左十幾個鐘唔算好耐, 但好似比以前果幾次辛苦, 加上D"美味"既. 飛機餐, 真係令我有作悶既感覺. 坐巴士返屋企果陣唯有"幫"0下司機大哥留意下路面情況又順便欣賞下D車哩分散注意力.

講起飛機餐, 今次重有點心食. (天真既)本人心目中點心係蝦蛟,燒賣. 點知....相差十萬八千里. 係炸豆腐, 炸肉丸, 同埋一件不知名既咸點. 我相信見到之後, 連西人都唔多開胃(^_^;). 好彩爸鐘意飲茶, 所以一定重有好多機會.

返哩之後咳既情況似乎嚴重左, D藥就快食完感冒都重未清. 聽日又要睇醫生啦 : (

係飛之前...

多謝各位既關心, 特別係SEND SMS比我果位有心姊妹. 本人精神好左好多, 但未完全好番哂. 胃口都唔係咁好, 連一向係"飯桶"既我寧願食NOODLES 都唔食米飯.

臨行之前有咩搞? 買手信? NO. 執行李?well.....係執屋同煮飯丫....諗起清潔都頭暈暈 @_@.等番聽日郁手咋.

我病了...

一向不太留意天氣報告的我, 很可能就因為週末那短短五分鐘的步行中著涼. 以為吃些成藥便會好, 但過了兩天情況仍未有好轉. 辛苦加上快要考試和旅行, 唯有看醫生. 是感冒. 醫生說吃藥要看看是什麼病菌, 不會每一種COLD/FLU藥都有效. 他本來PRESCRIBE我上兩次用過的噴鼻藥水. 但一小支已經要三十元! 於是醫生介紹另一種藥. 藥丸加藥水合共要三十大元, 起碼省了十元. 自己付錢. 真的要認真找全職了.

咁又一年

今日係新年表演, 由我地"雜排軍"同事組成, 只係學左兩個星期. 有時重會唔記得舞步同埋大家
動作唔齊TIM. 但今日我地既表演空前成功, 得到好多讚賞. 不過呢個係我地工作既一部份.

新年過後,暫時這幾個月都唔會有咩特別活動. 還有下個星期就放假. 這段時間正好讓我有機會暫時離開令我煩惱的人際關係(雖然我想令自己儘量向好方面想, 但有時候負面情緒不免再湧上心頭. 我實在不知道自己再能抵受多幾多次語言上的傷害. 也不知道能如何能禮貎又風趣地去回應).

此外也趁這段時間去思想自己的去向以及去處理一些事:

1.修改RESUME
2.完作兩個測驗
3.搜隻有關工作上/課程的資料
4.熟習WORD/EXCEL 操習
5. 更改做到悶既運動CLASS