七月三十一日

今晚放工後同朋友去游水.游完之後打算去食雪榚. 上星期一我地兩個企係街到一邊享受涼風, 一路食雪糕. 咁舒服既天氣係多倫多真係唔多. 點知去左三個MALL, 賣雪榚既地方都收哂! 估計上次可能因為收舖前多人幫襯, 所以雪榚店先延長開門時間. 油價高企令我唔想再開車去其他地方. 朋友話"漢堡王" 有雪榚賣, 點知......最有唯有改為買飲野.

返到屋企, 成屋都係人(爸媽哩住一個月). 慣左有私人空間既我好想自己一個係客廳打電腦然後訓覺. 點知爸話佢晏奏訓左覺, 依家訓唔著. 叫我同媽一齊訓! >_< . 由上星期開始, 我已經變左遊牧民族. 爸媽係廳我就係房, 佢地訓覺我先出返廳. 佢地起得早, 然後就叫我返房訓. 其實只有呢個月係咁,不過我已經有D頂唔順, 我係咪好衰呢? 都做唔到好見證比佢地睇(缺乏愛心忍耐).

七月二十六日

我問老細寫信好唔好, 佢話件事未至咁嚴重, 而且咁造只會令人地覺得我怕左佢. 呢件事, 加埋其他因素,令到我既情緒時起時落, 好似過山車咁. 話就話唔應該將件事睇到咁大, 不過講容易, 諗就難. 最主要原因係自己個心靈好似被好多野"綁"住咁. 開始有些少明白"要嬴人, 先要嬴自己" 既道理, 自己都勝唔過自己既心理關口, 又點樣可以係人面前表現到自信開朗同埋令人地信你?

算啦我諗大家都係睇到一頭霧水架啦. 不如講下一件開心野啦. 就係收到一個幾年都無聯絡既弟兄既電郵. 佢多謝我帶領佢信主(其實都唔係我功勞)又為自己當年既行為同說話覺得後悔. 佢重會公開分享佢既得救TIM. 依家佢係一間機構做事奉！真係一個驚喜！我覺得呢個消息係神比我既一份禮物。

今日的得著

今日同我既其中一位好姐妹去某教會SIT IN 去聽一堂為未信者而設既主日學. 聽講每次都帶領唔少人信主. 所以姐妹想去聽下吸取經驗同佢團友分享. 落堂前有位女士分享佢既經驗, 話因為一D誤會佢親戚每次見佢都面黑黑. 試過打招呼都無反應. 果位女士問可以點做, 當睇唔見得唔得? 導師話咁樣逃避唔係辦法, 唯有依靠神去解決........

由佢既例子,令我諗番起之前發生果單野同埋前日老細同我講既說話. 我覺得對方對我有D誤會, 同埋每次見面既時候當睇唔到都唔係辦法!!! 而且咁大個人, 都要試下解決問題. 但我口才唔好, 所以最好用文字表逹, 誠懇咁同佢講希望大家能夠和好. 不過擔憂既係未必會接受我既誠意之餘重會令大家關係進一步惡化!!! (-_-), 而且呢次都係我第一次咁主動同無親無故既人嘗試化解糾紛. 所以睇到呢篇野既你/妳, 請求我交上啦, 唔該哂!

好熱丫.....

近來老人家成日問我既問題係: "你著咁少, 唔冷丫?" . 唔好諗埋一邊, 佢地見我著夏天衫, 所以關心我覺唔覺得凍? 當然有部份老人家著短袖, 什至三百六十五日都著短袖既都有!

因為老人家體質唔同, 所以有時室內溫度高我地都唔敢調高冷氣, 因為我地覺得涼爽時佢地已經覺得好凍! 但好笑既係有一次我地做運動時, 由於人多, 本來尚算涼爽既活動室變得悶熱, 我怕空氣唔流通, 於是開窗, 等運動完左再關埋佢. 有人話好. 又有人話室內夠涼, 點解要開窗浪費冷氣? 咁我開定唔開好呢? (^_^; )

-------------------------------------------------------------------------------------------

今日又聽到有人話我點點點. 唉, 有睇下我個BLOG既人都會知道不出果兩味野. 老細知道我份人係點, 又話唔想我地日日帶個假面具做人. 但一方面又想我提醒0下自己. 咁即係點呢? 點解我成世人都要成日聽埋呢D野?!!!! 我問番老細如果你成日都被人話咁咁咁你會點? 老細話佢都會覺得煩. 佢好心想幫我搵出原因, 但我覺得咁做無咩意思. 只可以話我個性格唔適合呢行/呢個社會至會成日會咁樣被人"提點"咯. 老細叫我唔好覺得有壓力. 我想唔理(話我果個人), 但係......唉....

　

近來。。。。

”你點丫？”　通常我面對呢個問題時個腦會空白。　其實我係有近況既。工作方面？　返工返多左咯。靈命方面？比以前有少少上進心去改善同神既關係。其他？想換車，高身少少既例如
ＭＡＴＲＩＸ，ＣＯＲＯＬＬＡ係我既心水。重有就係父母會呢住一個月，所以我又要做一個月
廳長啦。執屋時又要小心檢查屋裡每一個角落，　如果唔係？有排食”燒鵝”丫　＞＿＜　。好啦，　講住咁多先啦。嘻！：P