給朋友的說話

禮物，咭　花，晚餐，蛋糕，歡笑。這樣過了一個輕鬆的晚上。這些年來，我們不能常常見面，仍然互相關心。我喜歡收到禮物，更喜歡閱讀咭上朋友親手寫下的說話。

我會再次出發，只有展望將來，　才能忘記過去。我不會放棄的p(^0^)q 　

絕對唔可以衰比人地睇！

五月二十五日團契後感

團友靈命低落有咩感想？　老實講我自己靈命都唔好，實在係”五十步笑百步”。　至於要將神放係第一位，要相信佢有預備等等，我自問離化境重有好遠好遠。坦白講大家都係二十幾三十歲，　人生先開始無幾耐，大把野等住我地去追求／嘗試。要諗到咁化。談何容易？　除非已經人過中年，睇過試過好多野咁又另計。　我同導師講出感受，　佢都同意要做到係唔容易既事。。。。

無題

五日既SAN FRAN之旅好快就過左. 事前只係諗住係當地玩幾日. 原來由SAN FRAN去LAS VEGAS都好近! 可惜只係請左一個星期假. 唯有下次去耐D咯. 姨媽姨丈好鐘意去旅行, 重影左好多相. 佢地話應該趁依家單身既時候去玩多D. 咁我都同意有得玩既時候應該玩多D.

尋晚SEND 左六七封RESUME, 其中有一個回覆我話"你既賌歷比較適合另一類型既工作" 唉..真係好discouraging. : ( 可能都係因為咁樣所以我SEND 左咁多封出去都未有回音就係咁解.

悠長假期??

身邊認識的人都因為不同的"情"受傷. 有人選擇壓抑自己不去想, 但是問題的根源未得到解決. 有人想遊戲人間, 但明知自己根本不能做到. 有人想逃避, 但始終有一天都要面對煩惱的人和事. 究竟除了逃避不去想之外, 還可以做什麼? (-_- ). 做人是否應該做到對萬事都不存任何期望才是最好? 悠長假期? 真的可以享受嗎?

我要飛 (2)

今日去買埋旅遊保險, 又打左長途電話比姨媽姨丈知我幾時會到. 姨丈係個好搞笑既人, 佢問我係咪已經到左機場, 又當我小朋友咁提我呢樣果樣. 姨媽份人好親切, 佢話會同我慶祝生日TIM. 雖然今年生日我想平淡渡過, 但有人記得都開心架. 佢地由細睇到我大, 今次係第一次同佢地單獨相處. 其實我對今次既旅程有期望, 我覺得會遇到一D開心既野(唔止係見到姨媽姨丈同埋買野咁簡單), 希望會啦.

我要飛

突然間心血來潮想去SAN FRANCISCO 玩, 一來有親人係果邊住, 二來有免費機票. 其實上年已經想去, 只不過時間唔適合所以最後無去到. 人地都奇怪點解我一個人去, 其實都有好處, 起碼可以輕鬆D唔駛就來就去. 聽講美國D衫無論STYLE同價錢都好過本地, 希望會收穫啦 ^_^ .

繼續搵工, 諗唔到SEND出去唔駛幾日就有兩個回覆, 有一個重係電話 IN. 雖然未必會有好消息但有回應重好過無丫.