不是剛踏入社會做事. 也不是第一次在工作上遇見討厭的人. 絕對明白不可能人人都會對你好. 但為何又再次眼淺? 為何每次遇上這些事都不懂得保護自己? 為何人都傾向喜歡欺負新人?

是我看不開嗎? 幸好得到上司的支持, 算是安慰.

想在這樣吐苦水, 但看完一篇又一篇有血有淚的真人真事後便打消了念頭. 最記得其中一篇是一名清潔工人. 一個人負責清潔一棟有百多戶的私人樓宇, 月薪四千港紙. 每日的體力勞動令她腰部疼痛不已. 有一晚痛楚難當不得已去急症室求診, 被醫生怪責只是小毛病浪費資源. 丈夫已經過身, 堅強地生活供養三名子女的她此時也忍不住流下淚來. 不否認有些人會浪費急症室資源而令醫生有如此誤解. 記者並沒有提及醫生在知道'真相'後有否改觀.

在現實社會裡, 有時我們都忘記/無視弱勢社群的需要. 上次提到的老人家
(九月一日 看不過眼).終於有人為她出頭. 能想像到那職員對於拒絕關門的解釋嗎? "本來我想去關門, 但已經有人(即是我)做了". 如此狡辯, 真是"搵鬼信"! 就算長氣在這裡也要再說一次: 對老人家好即是對將來的自己好. 沒有人想自己年老(多病)的時候受到如此"禮待".

在我學會為別人出頭之前, 首先我要學會保護自己去應付不容易相處的人.

九月二十四日

唔知係咪因為被同事傳染又或者係壓力, 我又開始作病啦 (-__-). 有時候打單打錯字都唔知. 依家就話有同事會檢查, 遲D就要自己顧自己啦. 唔知點解, 近幾年我發覺自己成日都有一個毛病, 就係間中會睇錯字. 例如Ann睇左係Anna又或者會睇左係完全唔同既英文字(oh my God!). 做做下野突然間又要分心, 跟住之後我就完全唔記得自己剛才做緊既野.

算啦, 做得一日得一日. 起碼我知道先前佢地請既兩個人(其中一個重做過類似既職位)做左兩個星期就無得留低. 我已經當自己過左第一關架啦.

腦昏頭脹 @_@

今日成日都係打單, 聽落好似唔難. 但如果真係跟住張單搬字過紙就大件事! 客人打錯野係平常事. 而且我對公司產品只有基本認識, 幾乎要"每事問". 如是者, 加上有時做緊一張單又要分心做另一樣野. 搞到我腦昏頭脹, 時不時望下個鐘, 點解做極都未夠鐘? 好想返屋企抖抖丫...@_@

同事已經一腳踢, 難得佢有耐性答我, 有時如果連佢自己都唔肯定, 重會幫我問番個客/sales. 真係"返工遇貴人". 所以聖誕節既時候都想送樣小禮物比佢 : ). 其他同事都叫我慢慢哩唔好心急, 建議我有時可以行開0下做其他野再繼續.

三百度轉變

以前: 返SHIFT,有時可以訓到中午先起身.
依家: 日日朝九晚五

以前: 走上走落經常同時間比賽. 無驚無險又夠鐘放工
依家: 長時間坐係度, 時間變得好慢. 做極都未夠鐘

以前:做完野可以"蛇王"(只要老細睇唔到)
依家:係電腦面前呆坐半分鐘都唔敢. (我個位係完全無私穏0架!)

以前:對住老人家
依家: 對住文件同電腦(遲0下要對住難"服待"既客人..一直以為做文職唔駛成日對人...原來)

以前:全部講中文
依家: 半中半英

-----------------------
可以想像最初幾日我係幾咁難過. 好想好想返去食"回頭草". 但終於慢慢適應到. 會掛住以前份工. 不過再諗0下, 就算再回頭都唔會有"草"比我食啦. 而且搵到咁耐先得到呢一個機會, 希望可以有多D文職經驗. 況且我知道自己唔會永遠停留係同一個地方.....

Mary Kay graduation dinner

唔係咁認同MK公司既運作模式. 不過週末晚上去食0下飯都無咩所謂. 成個聚會都係宣傳間公司有幾好, 待遇係其他公司搵唔到, 好似一個現實版fairytale. 假如一個人處於人生低潮, 又唔係好清楚個"童話故事"背後既真相既時候. 見到佢地好似成功人士咁企係台上好自信咁分享自己既經歷(例如自己以前無咩朋友, 又唔鐘意同人講野等等), 會係相當吸引.

講起public speaking，　做左老人院咁耐，　好多時都要係二三十個老人家面前講野，但對住陌生人講野仍然會緊張（唉。。又諗番起十幾年前既慘痛往事）。間中聽人講起toastmaster，諗過加入。　不過等英文流利番Ｄ先。由聽日開始我就要日日講英文啦。。。。

紅姑

朋友好鐘意鐘楚紅, 知道消息之後都為佢擔心. 朋友感歎既然搵到終身伴侶都唔保證可以白頭到老, 不如單身一個重好. 我就覺得一件事是喜是悲未真正經歷過無人知道.. 單身既可能最終都覺得有伴侶比較好. 有伴侶既又可能覺得唔開心無自由寧願自己一個. 凡事有得必有失, 點可能樣樣計到盡?

記者寫紅姑當年唔愛公子哥兒, 選擇左朱生. 一般人認為明星應該配有錢人. 個人偏見, 我相信如果紅姑嫁入豪門既話, 婚姻未必會咁美滿.

希望紅姑可以重新振作啦. : (



P.S. 朋友近來實在太負面, 重叫我唔好近佢咁多. 係丫, 佢吐既苦水實在太多. 係時候"遠離"佢(negative energy). 親近番D比較樂觀既朋友(positive energy).

看不過眼

有一次去探訪一位長者. 談天中有職員入房為她作定期檢查. 婆婆身體弱,房間外面的空氣令她受不了, 便要求關上房門. 天知道那人無視婆婆的要求, 理由是關上房門令她(職員) 覺得很焗! 房間裡面有空氣調節, 而且房門一向是長期關閉的, 我多次探訪也從不覺得焗.我實在看不過眼, 於是自行關上房門. 但並沒有跟那人理論(小帆我並不是個敢言女子). 當時覺得自己很怕事. 但後來再想, 當面衝突也沒有好處, 至少我當時有作出行動. 倒不如交給別人處理更好.......

人無完美. 本人的愛心程度比上(實在)不足, 比下有餘(OK啦). 但健康不是必然, 但有否想像過他日你受到同樣對待時有何感受? 有人曾經跟我說一入到老人院(探訪)就急不及待想離開. 還說做老人院的工作很depressing. 我只想講, 可以選擇的話, 絕大部份人都不想入老人院. 誰不喜歡自由舒服地待在自己家裡? 那閣下最好保重身體健康到魂歸天國那日都不用入老人院. 至於depressing, 每天打開報紙, 天災人禍綁架絕症通通都是不開心的. 那樣報紙也不要看了.

當然, 見到每天跟你打招呼的老人家身體一天天衰退時心裡難免感慨. 換另一個角度看, 他們面對身體痛楚所發揮的堅強意志也值得去學習.